Parchè?

Provè andar in zerca de qualcossa da magnar o da bever, qualcossa che ve serve suito, ma proprio suito. Se vivè vizin a un gran supermercato la pol anca andarve bastanza ben. Se vivè in campagna o un po’ fora sci-ap alora prepareve parchè farè na fadiga boia a trovar vert qualcossa.

No parlen po del mercole.

Tutti, ma proprio tutti i benzinai, i negozi de frutta e alimentari o qualsiasi altro, i è pieni de tutt però i a un problema in comune:

I E’ SERADI DE MERCOLE.

Ma eo mai possibile che in te un paese civil e technologicamente avanzato no ghe sia qualcun che l’abbie capì parchè sti negozi i è tuti seradi de dopo mezzodi?

Fen proprio da rider (par no pianzer)  Scuseme signori commercianti, ma se un sol al tegnesse vert de mercole no sarie mejo par tutti?

Pol darse che ghe sie qualche regolamento che viete e star verti el mercole? No so, sen in Italia e tutte le assurdità le è possibili. Ma penseghe ben a sta assurdità: senza contar che el luni i negozi i è seradi de matina (ma solo  alcuni).

Fe voialtri, mi me vien da rider parchè prima ve copià al modo de far supermarket dai  Americani, coi bei parcheggi grandi e tutt quel che ghe va drio. L’unica roba che ndea veramente copiada (l’apertura  continuada ) l’avè assa’ perder. 

Scuseme se me permete ma sembra che see tuti drio dormir. Feve un bel turno a testa de apertura al mercole e vedarè che la crisi la passarà un po prima…